МАРИЯ БИСТРИЦА - КУД “Осиф Костелник” зоз Вуковару 11. юлия 2015, наступело на 28. стретнуцу фолклорних ансамблох у Мариї Бистрици. Тоти стретнуца отринани у рамикох Лєта у Мариї Бистрици. Орґанизатор бул КУД “Ловро Єжек” зоз Мариї Бистри Наступело єденац рижних културно-уметнцких дружтвох, а медзи нїма и руске, вуковарске. Манифестация мала и медзинародни характер бо наступели и госци зоз Словацкей, точнєйше шпивацке дружтво “Бистричан” зоз Загорскей Бистрици.
Вуковарчанє наступело штварти по шоре зоз рижнородну, кус скрацену програму (орґанизаторе замодлєли же би ше кус скрацело). Мишани хор одшпивал два шпиванки “Зрели, зрели червени ягоди” и “Чия то заградка нє орана” у провадзєню тамбуровей оркестри. За тоту нагоду их порихтали Мария и Владо Русин. Ветеранє одтанцови танєц “Весильни” у хореоґрафиї Звонка Костелника, а дзивоцка танєчна секция танєц “Буковински” у хореоґрафиї Татяни Алерич.
После успишного наступу шицки пошли на вечеру, а по тим остали на друженю хторе було на Площи папи Ивана Павла II до касних ноцних годзинох кед рушели спрам Славонї и Вуковару.
Сотруднїцво зоз Марию Бистрицу ше предлужує и на далєй, та так на єшень вони буду госци на вукварскей дзецинскей манифестациї “Перши аплауз”.