На Подобовей колониї участвовало пецеро малярох зоз жами и иножемства. Двойо з Войводини, Лидия Барна и Владо Няради и тройо з Горватскей, Лєрка Божинович, Мирослав Одавич и Ратко Жая. Колония тирвала од 19. по 22. юний а орґанизатор було КУД-о Руснацох з Осиєку з финанцийну потримовку Совиту за национални меншини РГ, Осиєцко-бараньскей жупаниї та городу Осиєку. Спонзор була Осєцка пивовара а за место отримованя вибрани Дом обртникох у Альмашу.

У рамикох Колониї, соботу вечар, приказана монодрама «Ферко Мишканьов» у виводзеню Звонимира Гардия з Петровцох, члена КУД-а «Яким Гарди».

Закончуюцу виставу и програму поставели и виведли члени КУД-а Руснацох з Осиєку а кажди маляр гуторел слово два о своїх малюнкох, док КУД Руснацох одшпивали за малярох и присутних госцох,вецей шпиванки зоз свойого богатого репертоару. Спред КУД-а Руснацох, водителє тогорочней Колониї були Миряна и Мирко Рибича. По службовей часци програми, предлужело ше з полудзенком и друженьом до пополадньових годзинох.

Вецей ше годно пречитац у 181. числу Новей Думки.