ВИНКОВЦИ - Укарла учителька и поетеса Любка Сеґеди – Фалц. Наша визначна руска поетеса народзена у Петровцох, 10. априла 1932. року. Дзецинство препровадзела и перши штири роки пучкей школи закончела у родним валалє. Штири класи ґимназиї и малу матуру закончує у Вуковаре, а учительску школу у Осєку. Службовала як учителька на Овчари, у Миклошевцох, а найдлужей робела и жила у Дреновцох.

Поезию почина писац як осемнацрочна млада учителька. Перша писня єй обявена 1954. року у Шветлосци. По нєшка єй писнї друковани у рижних виданьох, як цо Нова Думка, Литературне слово, Руски календар и антолоґиї поезиї.

Видала и два самостойни кнїжки. Перша єй збирка писньох “Подоба з далєка” обявена 1975. року, а друга “Класки” 1999. року.