ОСИЄК- У Осиєку, у орґанизациї КУД-а Руснацох Осиєк закончена 8. Подобова колония КУД-а Руснацох Осиєк.
На Колониї учасц вжали маляре зоз Горватскей и Сербиї. Зоз Сербиї були Лидия Барна з Кули и Андєлка Античевич зоз Беркасова,а з Горватскей Роберт Ерделї , Кристиян Медєши и Мирослав Одавич.
Маляре охабели красне число малюнкох у фундусу КУД-а Руснацох Осиєк а на завераню Колониї, КУД-о Руснацох Осиєк им, попри скромних дарункох и подзекованьох, подаровало и кратку културну програму у виду писньох и танцу. Програма ше отримала у дворе пансиону Максимилиян, у «Тврдї» дзе маляре през три днї творели свойо роботи.
У рамикох Колониї, всоботу вечар, члени драмскей секциї КУД-а «Яким Гарди» з Петровцох, Ивана Колбас и Владиммир Дудаш, виведла дуодраму «Пирскаци жирячки малженства» котра одушевела и до слизох нашмеяла патрачох.
Подобова Колония ше отримала з финанцийну потримовку Совиту за национални меншини РГ, Осиєцко-бараньскей жупаниї и Городу Осиєку та зоз донацию продуктох Пивовари Осиєк.