ПЕТРОВЦИ - У орґанизациї Союзу Русинох РГ и КУД «Яким Гарди» и Ради рускей националней меншини Општини Боґдановци отримана 10. манифестация «Ноц музейох», а з нагоди 65. рочнїци КУД «Яким Гарди» Петровци. У програми участвовали Хлопска шпивацка ґрупа Дружтва зоз Петровцох и Ружица Киш зоз свою першу виставку малюнкох под назву »Инспирация». Шицких нащивительох и госцох тей манифестациї у мено Союзу Русинох РГ привитала предсидателька Дубравка Рашлянин и шицким учашнїком и орґанизатором тей манифестациї пожадала вельо успиху у витворйованю планох и проґрамох у дальшей роботи.
Предсидатель КУД «Яким Гарди», Желько Костелник, тиж привитал шицких нащивительох и наглашел же ше 65. роки Дружтва означує цали рок и подзековал Союзови на потримовки и будинку у котрим ше манифестация отримує. Наталия Гнатко представела авторку виставки Ружицу Киш, а на концу и сама авторка представела свойо роботи.
