ВУКОВАР - Порядна рочна Скупштина Союзу того року отримана 27. фебруара зоз початком на 9, 00 годзин у просторийох Союзу Русинох РГ у Вуковаре.

На дньовим шоре уж звичайно бул звит о роботи у прешлим року, финансийни звит за 2015. Рок, план роботи у тим року як и рижне.

На Скупштини було присутно 18 делеґатох наших Дружтвох цо од вкупно 23 члени достаточни кворум понеже ше пре хороту и други причини оправдали члени Скупштини зоз Риєки, Заґребу и Винковцох.

Вибране роботне цело, верификацийна комисия як и пдписнїки записнїка а вец предсидателька Союзу Дубравка Рашлянин поднєсла перше звит о роботи нашого Союзу и Дружтвох. Звит провадзела пауер поинт презентация, а таки послани и прилапени од Совиту за национални меншини. Можеме буц задовольни зоз числом наступох нашого членства и намагац ше тото число наступох затримац або и звекшац. Пришол час же би зме ше ище баржей понукали и наступали ширцом нашей жеми.

Звит о роботи єдноглашнє прилапени. Надрптраци одбор винєсол же нема зауваги на финасийне послованє у Союзу, а предсидателька Дубравка Рашлянин тиж так поднєсла финсийни звит Союзу за прешли рок. Понеже нашо средства наменски трошении були єдво достаточни за отримованє наших чечуцих потребох будземе у неприликох кед би бул принєшени значно зменшани финасийни план за тот рок, а як будзе то ше ище нє зна понеже нова Влада нє винєсла на дньове шветло план буджету за 2016. рок. Єдна зоз можлївосцох будзе и ище єдна роботна схадзка Предсидательства дораз после додзельованя средствох же би зме ше порадзели хтори плановани програми у яким опсягу витвориме. Заш лєм треба ше наздавац найлєпшому.

План и програм роботи кратко винїшени, а у дискусиї було вецей предклади же би ше нашо Дружтва медзо собу подпомагали зоз членством, окреме кед слово о наступох бо би нашо млади путовали и то их заправе и прицагує до КУД\а. Плановане и ушорйованє пиньвици у тим року, ушорйоиванє библиотеки як и други роботи и попри културну дїялнїсц.

Вера Павлович