ВУКОВАР - Всоботу, 10. октобра 2015. року, у Вуковаре отримана 4. манифестация дзецинскей творчосци “Перши аплауз”. Манифестация почала на 16. 00 годзин у Хижи Лавослава Ружички. Скорей того було покладанє венцох при криже на уцеку Вуки до Дунаю. Участвовало пейц културно-уметнїцки дружтва и то КУД “Яким Гарди” зоз Петровцох, КУД “Яким Ґовля” зоз Миклошевцох, КУД “Ловро Єжек” зоз Мариї Бистрици, “Руснак” Дружтво Руснацох у РГ и КУД “Осиф Костелник” зоз Вуковару.

Окрем уж спомнутих дружтвох присутни були и Ана Живанович, прочелнїца Управного оддзелєня за дружтвени дїялносци, Дубравка Рашлянин, предсидателька Союзу Русинох Републики Горватскей и Борис Бучко, предсидатель Ради рускей националней меншини Вуковарско-сримскей жупаниї.

Манифестация отримана зоз финансийну потримовку Совиту за национални мешини Републики Горватскей и Городу Вуковару.

Любица Гаргай