ШИД - У орґанизациї КУД–ва Дюра Киш зоз Шиду 05. септембра 2015 отримани 8. по шоре Фестивал тамбурових оркестрох,, Мелодиї Руского двору” у сали Културно-образовного центра у Шидзе. Шицки учашнїки медзи котрима и єдини представителє зоз Горватскей КУД – во Яким Грди зоз Петровцох виведли по два писнї и едну писню у виводзеню самей орхестри. Петровчаньох представели дует Мануела Дудаш и Аня Гришчук Гайдук зоз писню «Преквитай» и Михайло Голик зоз писню «Грайце лєм гудаци грайце» котри и увежбал учашнїкох у провадзеню петровскей орхестри под руководством Звонка Еделинского. Уревиялней часци публику забавяли Тамбурови оркестер,, Равница” зоз Суботици. Отворена и вистава малюнкох з Подобовей колониї „Руски двор 2015” у Лєтнєй владическей резиденциї на котрей участвовали Роберт Ерделї и Кристиян Медєши зоз Петровцох як и вистава стародавних єдлох и ручних роботох. Перше место завжала оркестра Дому култури з Руского Керестура, друге место освоєл оркестер КУД „Тарас Шевченко” з Дюрдьова и треце место оркестер КУД „Петро Кузмяк” з Нового Орахова. Публика, награду додзелгла оркестери КУД „Жатва” з Коцура.