ПЛЕТЕРНИЦА - У орґанизациї Завичайного дружтва КУД «РАМА» зоз Плетерници, 05. децембра 2015. року отримана дзевята по шоре смотра фолкору «Обичаї старого завичаю». Манифестация ше отримала под покровительством Пожешко-славонскей жупаниї и варошу Плетерница у спортскей дворани ОШ «Фра Кає Аджича». На смотри участвовали дзешец фолклорни ансамбли и то: Хор пензионерох Плетерница, Плетернїцки мажуреткинї, КУД «Рама» зоз Плетерници, КУД «Жеравица» зоз Славонского Броду, КУД «Коло» Вуковар, КУД «Фра Йозо Крижич» зоз Рожкого поля БиГ, «Ческа Беседа» зоз Каптолу, КУД «Орлява» зоз Плетрници, КУД «Яким Гарди» Петровци, КУД «Иво Чакалич» зоз Каптолу и КУД «Україна» зоз Славонского Броду. Госц нєсподзваня бул Алойз Петерле, перши словенски премиєр и заступнїк у Европским парламенту котри на усней гармоники одграл словенску полку. Петровчанє ше Плетернїчаньом представели зоз Рускима пастирскима танцами и одушевели домашнїх и присутних госцох. Тиж так, то и перше сотруднїцтво зоз вуковарским горватским дружтвом котре тиж там участвовало. То смотра старого краю як жили нашо стари и же би ше младим ґенерацийом дало до знаня же людзе зоз свою роботу, бриґу и културу обстали на своїх просторох – гуторел Алойз Томашевич, жупан Пожешко-славонскей жупаниї, котри и отворел смотру. Програму водзели члени КУД «Коло», Вуковар Желька Маричич и Лїляна Баґарич, и на єден окреми жартовлїви способ представяли кажде дружтво з рижнима жартами и текстами зоз бетярцох, цо барз крашнє прилапене з боку публики. У рамикох манифестациї отворена и вистава малюнкох Здруженя Матка Пеїча.