ВУКОВАР - У Орґанизацї КУД “Осиф Костелник” у Вуковаре, 31. януара 2015. року, отримани 49. руски бал, у святочней В&С сали на Саймишту. Бал почал на 19. 00 годзин зоз културно-уметнїцку програму, предлужел ше зоз вечеру, предаваньом томболи и танцом шерца. Бул преткани зоз велїма краснима, а найвецей рускима шпиванками и танцами. О такей красней атмосфери, окрем домашнїх членох, остарли ше и госци “Микс бенд­у” зоз Руского Керестура.

На самим початку предсидатель дружтва Владо Русин привитал шицких госцох, а окремних и поєдинєчно. На балу були присутни: спред Городу Вуковару Ана Живанович, прочалнїца за дружтвени дїялносци, спред Жупаниї Вуковарско-сримскей Никола Воларевич, совитнїк за школство Управного оддзелєня за образованє и спорт, Звонимир Драґун, городоначалнїк городу Илоку, Дубравка Рашлянин предсидателька Союзу Русинох РГ, Звонко Костелник, член Совиту за национални меншини РГ, Лела Дїтко, предсидателька Ради рускей националней меншини городу Вуковару, Вера Павлович, редакторка Новей думки и о. Владимир Седлак, парох зоз Петровцох.

У културно-уметнїцкей програми наступели члени КУД “Осиф Костелник” зоз Вуковару. Мишани хор одшпивал три шпиванки: “Панонска ровнїно”, “У лєшику при валалє” и “Кед би чарни очка даґдзе предавали”. Дзивоцка танєчна ґрупа одтанцовала два танци “Козачок” и “Гони витер”, а ветеранє єден под назву “Несе Галя воду”. Хлапци Михал Гайдук и Кристиян Миклош одшпивали соло шпиванки “Каролина” и “Чийо то дзивчатко”, а у дуету “Зламала ше кормань­деска”. Шицких шпивачох провадзел оркестер вуковарского Дружтва. Тоту вечаршу програму зоз членами порихтали Владо Русин, Тат’яна Алерич и Мария Русин.

Конферансу порихтала и водзела Любица Гаргай. Вицагованє томболи и танєц шерца водзела Вероника Мудри.

Дзекуюци добрим людзом и спонзором, и того року була богата томбола. Вельке подзекованє идзе и касирови Дружтва Звонимирови Барновому, хтори позберал найвекшу часц томболи. Три найвекши награди були пейґла, електрични роштиль и бициґла. Награда за победнїцку пару у танцу шерца и того року були торта и вино. Бициґлу достал Кирил Гайнал зоз Вуковару, а побиднїцка пара у танцу шерца була Геленка Шобан и Зденко Сивч, обидвойо з Осиєку.

На балу було присуно 200 особи, а вельке поцешенє за нас шицких же було вельо младих.

Любица Гаргай