У орґанизациї КУД Руснацох Осиєк, 6. децембра отримани 10. Дравски габи, стретунаца хорох и шпивацких ґрупох Републики Горватскей у Осиєку. Наступели шейсц руски дружтва з Горватскей, Матица Словацка з Осиєку и єдно руске дружтво з иножемства.
З Горватскей наступели: КУД «Осиф Костелник» з Вуковару, КУД «Яким Гарди» з Петровцох, КУД «Яким Ґовля» з Миклошевцох, КД Руснацох з Винковцох , Руснак дружтво Руснацох у РГ та домашнї, КУД Руснацох Осиєк. З Войводини наступел хор и жридлова ґрупа КПД «Карпати» з Вербасу.
Коло 250 учашнїкох и патрачох, мало нагоду послухац досяги наших хорох и шпивацких ґрупох а першираз того року, КУД Руснацох Осиєк виведло композицию Рудолфа Ерґотича на текст Агнетки Балатинац «КУМ», котри обидвойо члени КУД Руснацох Осиєк.
Фолклорна ґрупа КУД «Яким Гарди» з Петровцох з нагоди ювилея Дравских габох, виведла и два фолклорни точки. Госцох и учашнїкох привитала предсидателька КУД Руснацох Осиєк Агнетка Балатинац а спред Союзу Руснацох бешедовала предсидателька Дубравка Рашлянин, док манифестацию отворел соборски заступнїк рускей националней меншини, Велько Кайтази.
Стретнуца ше отримали з финанцийну потримовку Совиту за национални меншини РГ, соборского заступнїка рускей националней меншини Велька Кайтазия, Осиєцко-бараньскей жупаниї и городу Осиєку.
Спонзоре манифестациї були: Пивовара Осиєк, Творница цукру Осиєк, Белє д.д. (винария), Ямница д.д., Пекарство Кадуля та подприємство Биєлич.