ТОВАРНИК - Под високим покровительством предсидательки Републики Горватскей Колинди Ґрабар Китарович, а у орґанизациї Општини Товарник и Вуковарско-сримскей жупаниї отримал ше соботу 26. 09. 2015 року 10. фестивал овоцових палєнкох, ликерох, маджуну и 6. Медзинародна виставка бундавох и тиквох у Товарнику у вили Товарник. Програма роспочала на 10. 00 годзин рано зоз 120 викладачами котри виставели свойо продукти, а змагали ше и у вареню маджуна и пасулї. На 15. 00 годзин фахови жири преглашел найчешу бундаву и на 16. 00 годзин роспочала културна прохрама на котрей наступели понад дзешец ансамбли медзи котрима и КУД-во Яким Гарди зоз Петровцох зоз танєчну и хорску секцию дружтва, а после културней прохрами отримал ше концерт за учашнїкох фестивала Ивана Зака котри роспочал на 20. 00 годзин.