ОСИЄК – Политикум Рутенорум у КУД Руснацох Осиєк

У орґанизациї Представнїци рускей националней меншини Осиєцко-бараньскей жупаниї, Агнетки Балатинац и КУД Руснацох Осиєк, пияток, 8. марца, у просторийох Дружтва, Франкопанска 53, зацикавени мали нагоду патриц монодраму Политикум Рутенорум. Режию подписує Томислав Рац котри источашнє и виводзач. Томислав Рац длугорочни ґлумец аматер зоз драмскей секциї котра дїйствує при КУД «Яким Гарди» з Петровцох.

Монодрама одбавена на руским язику. Гумористичного є змисту а обрабя вше актуални подїї зоз каждодньового животу од политичних прейґ малженских, до вязаних за родзину и роботу. Шмих публики и аплауз указали же Рац одбавел ище єдну успишну ролу у своєй ґлумецкей кариєри.

Понеже ше представа одбувала на медзинародни Дзень женох, була то нагода винчовац шицким женом їх Дзень, як и по законченей програми, препоровадзиц приємни хвильки у друженю.

А.Балатинац