У Орховици, у Дому червеного крижа Меркур, 23. юлия закончена Лєтна школа Русинох РГ.
Участвовало коло 150 школярох котри виучовали руски язик, културу, звичаї, историю, национални скарб а у шлєбодним чаше мали забавни роботнї през хтори могли на цикави способ приказац часц историї лєбо националного скарбу. Од елементох културней творчосци учели ше фолклор и шпиванє.
Преподаваче за руски язик у першей ґрупи були Мануела Дудаш, Вера Павлович и Леся Мудри док у другей ґрупи мацерински язик место Мануели Дудаш преподавала Лела Дїтко. За фолклор у обидвох ґрупох бул задлужени Звонко Костелник а за музику Агнета Тимко.
Школяре старшей ґрупи на закончуюцей манифестациї на котрей була присутна и предсидателька Союзу Русинох РГ, Дубравка Рашлянин та Представнїца рускей националней меншини ОБЖ, Агнетка Балатинац, указали цо научели през тидзень днї а нєпреривне кляпканє присутних, дало им полну потримовку же би так наставели у местох дзе жию по даяке нове стретнуце на даякей Лєтней школи.
Як госци наступели члени КУД "Яким Гарди" з Петровцох зоз фолклорну и музичну секцию.
Лєтна школа ше отримала з финанцийну потримовку Министерства просвити и школства Републики Горватскей.
