ВИНКОВЦИ - У просторийох КД Руснацох Винковци 15. фебруара того року отримана порядова звитна Скупштина. На самим початку шицких присутних привитала предсидателька Дружтва Мелания Пап и предложела роботне предсидательство котре Скупштина прилапела. Поднєшени звит о роботи Дружтва, у хторим наглашене же и попри того же Дружтво вше старше и вше чежше позберац младих зазначени красни успихи. Финансийни звит ше уклопел до програми, так же шицки активносци закрити. Надпатраюци одбор нє мал нїяку заувагу на роботу Дружтва и похвалєл роботу предсидательства. Финансийни план послани до Совиту за национални меншини, а тиж так и план роботи за 2016. рок. Шицки звити прилапени єдногласно. Наглашене же ше добре сотрудзує зоз Союзом Русинох Републики Горватскей и другима институциями, городскима и жупанийскима. Предсидателька Союзу Русинох Републоки Горватскей Дубравка Рашлянин привитала шицких присутних и повинчовала им на потерашнєй роботи и пожадала вельо успиху и будуцей. Предсидателька Мелания Пап подзековала шицким присутним и потим заварла Скупштину.